نبض المصريين : الفنانه فيرونيكا فى حوار من القلب مع (سماح والناس )

حوار و تقديم .. سماح ميره 

اسمك ايه ؟
* اسمى فيررونيكا دا اسمى .
ماما بدلعك بتقولك ايه ؟
* بدلعنى بتقلى روكا حبيبتى .
انتى فى مدرسه يا روكا ؟
*ايوة فى مدرسه الامريكان وكمان بحب درستى والمعلمين بتوعى .
انتى يا روكا فى سنه كام ؟
*انا فى سنه خامسه ابتدائى .
روكا عندك كام سنه ؟
*14 سنه .
انا سمعه يا روكا انك عندك موهبه صح ؟
*عندى موهبه الغناء والعزف كمان .
بتغنى عربى بس يا روكا؟ 
* لا انا بغنى بالعربى وبالانجليزى كمان.
ياسلام يا روكا شاطره بتحبى مين من المطربيين ؟
* بحب سعاد حسنى وبغنى ليها كتير بغنى ياواد ياتقيل وشيكا بيكا ومنتش اد الحب يا قلبى .
تمام تمام فى حد تانى بتحبيه ؟
*  ايوة طبعا بحب عمو سليم سحاب و محمد منير وبغنى ليه الدنيا ريشه فى هوا 
وتامر حسنى واحمد حلمى .
بتحبى افلام ايه يا روكا ؟
* عمروسلمى 1و2 وهيما وبلبل حيران ومطب صناعى وبحب الانسه ماما لياسمين عبد العزيز .
روكا عايزة تطلعى ايه فى المستقبل؟ 
* عايزة اطلع دكتوره عيون .
دكتوره عيون ليه يا روكا؟
* علشان اهم شىء فى الدنيا هو النظر عايزة اشفى كل الى مش بيشوف علشان يشوفنى حلوة.
شكرا يا روكا على الحوار الممتع دا؟
* العفوا العفوا شرفتينى يا موحا .