إوعي تصدق ،،
الشاعرة صباح عبد الراضى
أوعي تصدق اللي بيضحك
واللي يقولك كلام معسول
ياما وشوش بالضحكه بتكذب
والقلوب جمده حجر موصول
لو بكيت قلبهم .. مترق
ولو شكيت يقولوا .. عزول
هي الناس ليه كده قاسيه
وفي الكلام بقت مش راسيه
تئزي الخلق شمال ويمين
والوقت يمر شهور وسنين
خالي الحزن ف قلبك واسكت
ومتشمتش فيك الليمين
هما ازاي بيك هيحسو
مهما بكيت بدموع العين
دا المكتوب ليك هتشوفه
لو لفيت أيام .. وسنين
اصبر لو الصبر بيك هيطول
بكره هيجي وليك هيحن
يطيب القلبك المكسور
وتمحي وشوش خدعتنا
وتضحك والضحكة فالقلوب ترن
ومهما أنت قاسيت في الدنيا
هتيجي يوم ليك تلين وتحن