هى ده مشكله .. نبض المصريين

هى ده مشكله

انا دلوقتي بقالي ٣ سنوات متجوز ومعايا بنوته ربنا يخليها ويحفظها انا مهندس وزوجتي مهندسه عمري ٣٢ وهي ٢٦ اهل زوجتي ناس كويسين جدا ولكن كان في شرط في العقد ان الزواج يكون بره بيت عيله وانا وافقت علي كده المهم من سنه كده تم ترقيتي ومسكت مدير مشاريع ونقلوني امسك فرع الشركه في محافظه تانيه يتعد اكتر من ٢٠٠ كم عن محافظتنا انا في الاول رفضت لاني مرتبط اوي بالوالد لان والدتي متوفيه ولكن مع إلحاح زوجتي وكمان هاخد اكتر من ضعف الراتب وافقت ونقلت معيشتي جنب شغلي الجديد لان زوجتي مش شغاله المهم لما نقلت شغلي تعبت نفسيا جامد لاني كنت متعود كل يوم وانا راجع من الشغل اعدي علي والدي اشرب معاه الشاي عشر دقايق وارجع للبيت قمت انا عرضت عليه ييجي يقعد معايا وهاخدله شقه واجيب حد يهتم بشؤونه عشان كل يوم اقدر اشوفه طبعا هو انبسط جدا ولكن زوجتي رفضت تماما ولكن انا اصريت وجبت والدي وخدتله شقه وجبت معاه واحد يخدمه وكل يوم اعدي عليه عشر دقايق وانا مروح هو في نفس العماره بتاعتي اللي مزعلني ان زوجتي عمرها ما نزلت تسلم عليه مع اني بروح معاها عند اهلها وبنبات عادي باليومين وهم بيحبوني ومن حوالي شهرين لقيتها بتقولي الفلوس اللي انت بتصرفها علي والدك احنا اولي بيها وعملت مشكله معايا وطلبت مني انه يرجع لولاده ودلوقتي بقالها اسبوعين غضبانه عند اهلها وشرطها ان والدي يرجع عند ولاده وحاولت ارجعها كذا مره وهي رافضه مع ان ابوها وامها في صفي ولكن أخواتها البنات في صفها وانا دلوقتي قاعد مع والدي في نفس الشقه ومش عارف اعمل ايه ووالدي ميعرفش اي حاجه عن الموضوع تماما فاهم ان زوجتي تعبانه شويه مش عارف اعمل ايه ووالدي لو عرف حاجه ممكن يروح فيها هو اصلا مريض قلب