.. التضحية قوة ..
بقلم : سلوى عبد الكريم * التضحية ليست ضعف بل قوة لا يدركها سوى أصحاب النفوس الكريمة والقلوب النقية الصافية المعطائة لم يدركها أصحاب النفوس الرديئة والقلوب الهاشه ..* التضحية هى التحدى والإنتصار وهزيمة أوجاعك وألامك ..
* التضحية فى أشكال كثيرة ومتعددة ونماذج شتى ..
* التضحية لما تكون مش مبسوط وروحك وكيانك جواك مشتت
وعايش بتلملم فى نفسك ويكون الظاهر منك وعليك فى الأفعال والأعمال والواجبات تجاه كل من حولك إنك جبل لم تقصر ولم تتخاذل أعرف إنك قوي ..
* التضحية لما تكون أكتر إنسان ممكن يتعب ويبذل مجهود للجميع وأقل إنسان ممكن يتوفرله الراحه وتستمر وتكمل أعرف إنك قوي ..
* التضحية لما تكون أكتر إنسان ممكن يكون موجوع وبيشعر بفقد
وإحتياج فى أمور كثيرة وعديدة وأقل إنسان ممكن تسمع صوته
بيحكى أو يشتكي أعرف إنك قوي ..
* التضحية لما تكون أكتر إنسان ممكن يعطى الناس حقوقها مهما كانت وأقل إنسان ممكن يطالب بحق ليه حتى وإن كان حق فطري
ربنا خلقة عليه أعرف إنك قوي ..
* .. التضحية لما تتحمل كافة أنوع البشر بسوء طبائعهم المختلفة وصفاتهم المتعددة وتتعرض للعديد من أنواع الإيذاء الجسدى والمعنوي وتتحلى بالصبر كي تكمل المسيرة المنوط بها أعرف إنك قوي ..
** التضحية لما تكبح جماح نفسك من أجل القيم والمبادئ و الثوابت ،
والصواب والخطأ ، والدين والأصول ، والقدوة والمثل الأعلى ، ومن كل حاجه بتتحس جوانا كبشر مش ملائكه ولا جماد ، و من الإشتياق وصرخ الجوارح ومن الحنين وصعوبه الوصول ،
و من كل الخيالات إللى بتترسم فى أبهى صورة والأحلام إللى نفسك تحققها ، ومن إنك تحقق أصعب معادلة فى إرضاء نفسك ورغباتك
أو إرضاء من حولك وتؤثر من حولك فذاك أبلغ أشكال القوة ..**
* التضحية فى كل سيدة صبرت وعانت وحُرمت من حقها الإنسانى كبشر و تحملت ما تأن منه الجبال من أجل إكتمال رسالتها تجاه أبنائها ولم تتخلى ولم تنسحب فذاك شكل من أشكال القوة ..
* التضحية فى زوجة كانت ضهر وسند وقفت مع زوجها بكل قوة وثبات لم تقف أمامه أو جانبه بل وقفت ورائه و أعتبرت نجاحه وتقدمه هو نجاحها وتقدمها هى وأعطت الحب والحنان والإهتمام والتفانى والمساعدة والمساندة ،، وكل سنين العمر الحلوه
وتناست وتغاضيت عن كثير من المساوئ وصبرت على إهماله وهجره وبخل مشاعره وفتات وقته ،، ثم لم يكن منه سوى عدم العرفان
ولم تجني منه ثمرة خير ولم تنسى الفضل وصامدة لإكتمال رسالتها فهذه القوة في ذاتها ..
* التضحية فى أم قدمت لأبنائها بكل الحب وطيب الخاطر عمرها وصحتها وحبها وعطائها و ربت وسهرت وكبرت ثم تجد أو لا تجد منهم عرفان أو فضل ومازالت فى عطائها مد لهم يدها بكل الدعم
ولم تتخلى يوما عن أمومتها فهذا نموذج قوة ..
.. والنماذج كثر ..
* لما تلاقى نفسك رسمت ضحكة على شفاه مليئة بالحزن بالرغم من وجعك أعرف إنك قوى ..
* لما ترفع إيدك تطبطب على اللى جرحك أعرف إنك قوى ..
* لما تلاقى روحك سامحت حد ظلمك أعرف إنك قوى ..
* لما تجاهد نفسك وتمسك لسانك عن كل قول وفعل يغضب ربنا
أعرف إنك قوى ..
* لما تكون فى قمة إنشغالك وإرهاقك وتعبك ومتقصرش فى واجباتك تجاه من حولك أعرف إنك قوى ..
* لما تقدر تنجح فى حياتك وتحقق العديد من أهدافك بأقل إمكانيات وأقصر وقت أعرف إنك قوى ..
* لما تخالف نفسك الأمارة بالسوء وتكسرها حبا لله أعرف إنك قوى ..
.. أنت قوى "" بالله "" وبس ومفيش حاجة فى الدنيا كلها تستاهل تقضى فيها وقتك وجهدك وفكرك وعمرك كله إلا عملك فى إرضاء الله عز وجل فلنحرص عليه دائما وفقنا الله وإياكم إليه