300 مسألة حسابية في 8 دقايق بس وحصولهم علي مراكز أولي
أيوه .. اللي بتسمعوه ده حقيقي، أطفال صغيرين من عمر 6سنوات ولحد 12سنه قدروا يخوضوا تحدي حسابي صعب جدا، ويحلوا مئات المسائل في وقت قياسي، معتمدين على الحساب الذهني والتخيل وسرعة التركيز بدل استخدام الآلة الحاسبة.
- الحكاية بدأت مع مس هبه ابو الغيط مسؤول محافظة الغربيه لما اشتركت لطالبهافي بطولة للحساب الذهني بتنظمها مؤسسة "توب سوربان وبيشارك فيها آلاف الطلاب من مختلف الأماكن، والهدف مش مجرد إن الطفل يعرف يجمع ويطرح ويضرب ويقسم، لكن إنه يقدر يعمل كل العمليات دي ذهنيا وبسرعة كبيرة جدا.- والأطفال المشاركين بيواجهوا سلسلة من المسائل الحسابية المتتالية، وبدل ما يستخدموا ورقة وقلم أو آلة حاسبة، بيحاولوا يحلوا الأرقام من خلال التخيل الذهني وسرعة معالجة الأرقام، وده بيحتاج تركيز شديد وتدريب مستمر.
- والأجمل إن فريق مس "هبة أبو الغيط"، مسؤولة محافظة الغربية، قدر يحقق صعودًا مستحقًا إلى بطولة المحافظات في الحساب الذهني، بعد أداء مميز لأبطال الفريق.
- والأرقام هنا فعلا تستحق التوقف عندها .. أطفال قدروا يتحدوا الوقت، ويوصلوا لحل 300 مسألة حسابية في حوالي 8إلى دقائق، في إنجاز محتاج تركيز وسرعة ودقة وتدريب كبير.
- وده مش مجرد سباق أرقام .. دي مهارة بتساعد الأطفال على تنمية التركيز، وسرعة التفكير، والذاكرة، والقدرة على التعامل مع الأرقام تحت ضغط الوقت
- كل الدعم والتشجيع لأبطال الغربية، ولكل طفل بيحاول يطور نفسه ويثبت إن الاجتهاد والتدريب ممكن يحولوا المستحيل إلى إنجاز حقيقي .
وألف مبروك لأبطالنا .. والقادم بإذن الله أجمل، وطموحنا مش هيقف عند بطولة المحافظات .. الحلم هو الوصول لأوائل الجمهورية
